செட்டிநாடு நண்டு தண்ணீர் குழம்பு செய்வது எப்படி 🤤

செட்டிநாடு நண்டு தண்ணீர் குழம்பு

தேவையான பொருட்கள்:

நண்டுஅரை கிலோ

சின்ன வெங்காயம்20

மிளகாய் தூள்1 டேபிள் ஸ்பூன்

பட்டை2

பூண்டு பல்8

கத்தாpக்காய்2

தேங்காய் துருவல்அரை கப்

சீரகம்1 டீஸ்பூன்

மஞ்சள் தூள்அரை டீஸ்பூன்

தக்காளி2

சோம்பு1 டீஸ்பூன்

வெந்தயம்அரை டீஸ்பூன்

கொத்தமல்லித் தழை1 கைப்பிடி

கறிவேப்பிலை1 கொத்து

உப்புதேவைக்கேற்ப

எண்ணெய்தேவைக்கேற்ப

செய்முறை :

  நண்டை கழுவி சுத்தம் செய்து, உப்பு போட்டு பத்து நிமிடம் வேகவைத்துக் கொள்ளவும்.

  சின்ன வெங்காயம், தக்காளி, கத்தாpக்காய் ஆகியவற்றை நறுக்கி வைத்துக் கொள்ளவும். பூண்டை தோல் உரித்து தட்டி வைத்துக் கொள்ளவும். தேங்காய் துருவலுடன் தண்ணீர் சேர்த்து அரைத்துக் கொள்ளவும்.

  பின்னர் வெங்காயம், கத்தாpக்காய், தக்காளி ஆகியவற்றை ஒரு கடாயில் போட்டு 2 கப் தண்ணீர் சேர்த்து அடுப்பில் வைத்துக் கொதிக்க விடவும். பிறகு அதனுடன் மிளகாய் தூள், தேங்காய் விழுது, உப்பு சேர்த்து 5 நிமிடம் கொதிக்க விடவும்.

  காய்கறிகள் வெந்ததும் நண்டை சேர்த்து 5 நிமிடம் கொதிக்க விட்டு இறக்கவும்.

  பிறகு வாணலியில் எண்ணெய் விட்டு சூடானதும் சோம்பு, பட்டை, சீரகம், வெந்தயம், பூண்டு போட்டு சிவக்க வதக்கி குழம்பில் சேர்க்கவும். பின்னர் கொத்தமல்லித் தழையை சேர்த்து.

             இன்னைக்கு ஒரு பிடி 😋

Share:

Read More

காடை பெப்பர் கிரேவி செய்வது எப்படி 🤤😋

காடை பெப்பர் கிரேவி

தேவையான பொருட்கள் :

காடை 4 

பெரிய வெங்காயம் 2 

தயிர் அரை கப் 

கொத்தமல்லி ஒரு கைப்பிடி 

புதினா ஒரு கைப்பிடி 

மஞ்சள் தூள் அரை டீஸ்பூன் 

மிளகுத் தூள் 2 டீஸ்பூன் 

கரம் மசாலா தூள் 1 டேபிள் ஸ்பூன் 

உப்பு தேவைக்கேற்ப 

இஞ்சி பூண்டு விழுது 2 டீஸ்பூன் 

மிளகாய் தூள் 1 டேபிள் ஸ்பூன் 

மல்லி தூள் 1 டேபிள் ஸ்பூன் 

எண்ணெய் தேவைக்கேற்ப 

செய்முறை :

 காடையை சுத்தமாக கழுவி விட்டு மஞ்சள் தூள், ஒரு தேக்கரண்டி உப்பு, கால் கப் தயிர் சேர்த்து ஒரு மணிநேரம் ஊறவைக்கவும். 

 காடை நன்கு ஊறியதும் எடுத்து ஒரு முறை கழுவிக் கொள்ளவும்.

 இஞ்சி மற்றும் பூண்டு இரண்டையும் அரைத்து விழுதாக எடுத்துக் கொள்ளவும். 

 வாணலியில் எண்ணெய் ஊற்றி காய்ந்ததும் நறுக்கிய வெங்காயம் போட்டு நன்கு வதக்கி கரம் மசாலா தூள் மற்றும் கறிவேப்பிலை சேர்த்து வதக்கவும்.

 பிறகு காடையை போட்டு 4 நிமிடம் பிரட்டிய பிறகு இஞ்சி பூண்டு விழுது போட்டு பிரட்டவும். 

 3 நிமிடம் கழித்து மிளகாய் தூள், மல்லித் தூள், மிளகுத் தூள், உப்பு போட்டு நன்கு கிளரவும்.

 அதன் பின்னர் காடையில் எல்லா மசாலாவும் ஒன்றாக சேரும்படி 5 நிமிடம் நன்கு கிளறி விடவும்.

 பிறகு கால் கப் தண்ணீர் ஊற்றி ஒரு தட்டை போட்டு மூடி காடையை 15 நிமிடம் வேக விடவும். 

 இடையில் மூடியை திறந்து பிரட்டி விடவும். 15 நிமிடம் கழித்து தண்ணீர் வற்றி சுருள வந்ததும் அடுப்பில் இருந்து இறக்கி வைத்து விடவும்.

 மேலே கொத்தமல்லித் தழை தூவி பரிமாறவும்.

 சுவையான காடை பெப்பர் வறுவல் ரெடி.😋

Share:

Read More

முட்டை வறுவல் செய்வது எப்படி 🤤

முட்டை வறுவல்

தேவையான பொருட்கள் :

முட்டை 3

உப்பு தேவைக்கேற்ப

மிளகாய் தூள் கால் டேபிள் ஸ்பூன் 

எண்ணெய் தேவைக்கேற்ப

வெங்காயம் 2 (நறுக்கியது)

பச்சை மிளகாய் 3(நறுக்கியது)

கடுகுஅரை டீஸ்பூன்

செய்முறை :

  வாணலியில் எண்ணெய் ஊற்றி காய்ந்ததும் கடுகை போட்டு தாளிக்கவும்.

  பின்பு அதனுடன் நறுக்கிய வெங்காயம், பச்சை மிளகாயை போட்டு நன்கு வதக்க வேண்டும்.

  நன்கு வதங்கியது முட்டையை உடைத்து ஊற்றி தேவையான அளவு உப்பு சேர்த்து கிளறவும்.

  முட்டை நன்கு வெந்தவுடன் இறக்கி விடவும்.

Share:

Read More

வான்கோழி பிரியாணி செய்வது எப்படி 🤤😋

வான்கோழி பிரியாணி

தேவையான பொருட்கள் :

வான்கோழி கறி 1 கிலோ

வெங்காயம் 3

தக்காளி 3 

பச்சை மிளகாய்5 

புதினா 2 கைப்பிடி அளவு

கொத்தமல்லி2 கைப்பிடி அளவு

நெய்5 டேபிள் ஸ்பூன்

கறிவேப்பிலை 1 கொத்து

ஏலக்காய் 7

கிராம்பு 7

இஞ்சி பூண்டு விழுது6 டீஸ்பூன்

தயிர்1 கப்

மஞ்சள் தூள்அரை டீஸ்பூன்

கரம் மசாலா 3 டேபிள் ஸ்பூன்

மிளகு தூள்3 டீஸ்பூன்

சோம்பு தூள்1 டீஸ்பூன்

பிரிஞ்சி இலை3

பாசுமதி அரிசிமுக்கால் கிலோ 

உப்புதேவைக்கேற்ப

முந்திரி பருப்பு5

உலர் திராட்சை5

பாதாம் பருப்பு 5

கசகசா3 டீஸ்பூன்

தேங்காய் பால் 1 கப்

செய்முறை : 

  அரிசியை உப்பு போட்டு வேக வைத்து அரைவேக்காடாக வடித்து கொள்ளவும். நெய்யில் திராட்சை, முந்திரிப்பருப்பை வறுத்து வைக்கவும். பாதாம் பருப்பை ஊற வைத்து தோல் உரித்து கசகசவோடு சேர்த்து அரைத்து வைத்துக்கொள்ளவும்.

  வெங்காயம், தக்காளியை நீளவாக்கில் நறுக்கி கொள்ளவும். கொத்தமல்லி, புதினாவை பொடியாக நறுக்கி வைத்து கொள்ளவும்.

  கறியில் மஞ்சள் தூள், மிளகு தூள், சோம்பு தூள், உப்பு, தயிர், கரம் மசாலா, பச்சை மிளகாய், பொடியாக நறுக்கிய கொத்தமல்லி, புதினாவை சேர்த்து பிரட்டி 1 மணி நேரம் ஊற வைக்கவும்.

  குக்கரில் நெய் ஊற்றி சூடானதும் கறிவேப்பிலை, ஏலக்காய், கிராம்பு, நறுக்கிய வெங்காயம், தக்காளி, பிரிஞ்சி இலை, சிறிது கொத்தமல்லி, புதினா, இஞ்சி பூண்டு விழுது மற்றும் தயிர் சேர்த்து தாளிக்கவும். பின் கரம் மசாலா தூள், உப்பு சேர்த்து கிளறவும். இப்போது மசாலா போட்டு பிரட்டி ஊற வைத்துள்ள கறியை சேர்த்து நன்றாக பிரட்டவும்.

  மசாலா கறியினுள் சேர்ந்த பின் அரைத்த பாதாம் விழுது, தேங்காய் பால், சேர்த்து 5 நிமிடங்கள் வதக்கி பின் தேவையான தண்ணீர் ஊற்றி குக்கரை மூடி 20 நிமிடங்கள் வேக விடவும்.

  பிறகு கறி வெந்ததும் கறியை தனியே எடுத்து அதே குக்கரில் சாதம் அதன் மேல் கறியின் கிரேவி மீண்டும் சாதம், கிரேவி சேர்த்து அடுக்காக போட்டு அதன் மேல் கொத்தமல்லி தூவி பின் வறுத்த முந்திரி, உலர்ந்த திரட்சை சேர்த்து தூவி குக்கரை மூடி 15 நிமிடம் தம்மில் போடவும். இப்போது சுவையான வான் கோழி பிரியாணி தயார்.😋

Share:

Read More

கருவாட்டு குழம்பு | Dry Fish Curry

கருவாட்டு குழம்பு

தேவையான பொருட்கள்:

கருவாடு200 கிராம்

கத்திரிக்காய்கால் கிலோ 

உருளைக்கிழங்கு2

பச்சை மிளகாய்2

தக்காளி2

புளிஎலுமிச்சை அளவு

கடுகுஅரை டீஸ்பூன்

கறிவேப்பிலை1 கொத்து

உப்புதேவைக்கேற்ப

எண்ணெய்தேவைக்கேற்ப

அரைக்க:

சின்ன வெங்காயம் - 1 கப்

மல்லித் தூள் - 1 டேபிள் ஸ்பூன்

சீரகம் - அரை டீஸ்பூன்

மிளகு - அரை டீஸ்பூன்

காய்ந்த மிளகாய் - 2

கறிவேப்பிலை - 1 கொத்து

பூண்டு பல் - 4

தேங்காய் துருவல் - கால் கப்

செய்முறை :

  கருவாட்டை நன்கு சுத்தம் செய்து கொள்ள வேண்டும். கத்திரிக்காய் மற்றும் உருளைக்கிழங்கு நறுக்கி வைத்துக் கொள்ள வேண்டும். புளியை கரைத்து வைத்துக் கொள்ள வேண்டும்.

  முதலில் ஒரு கடாயை அடுப்பில் வைத்து, அதில் சிறிது எண்ணெய் ஊற்றி காய்ந்ததும், காய்ந்த மிளகாய் சேர்த்து வறுத்து, பின் அத்துடன் வெங்காயம், மல்லித் தூள், சீரகம், மிளகு, கறிவேப்பிலை, பூண்டு சேர்த்து வதக்கி இறக்க வேண்டும்.

  பின்னர் அதனை குளிர வைத்து, மிக்ஸி அல்லது அம்மியில் போட்டு, அத்துடன் தேங்காய் துருவல் சேர்த்து அரைத்துக் கொள்ள வேண்டும்.

  பிறகு மற்றொரு கடாயை அடுப்பில் வைத்து, அதில் சிறிது எண்ணெய் ஊற்றி காய்ந்ததும் கடுகு, கறிவேப்பிலை, பச்சை மிளகாய் சேர்த்து தாளித்து, பின் தக்காளி சேர்த்து நன்கு வதக்க வேண்டும்.

  அடுத்து அதில் கத்திரிக்காய் மற்றும் உருளைக்கிழங்கு சேர்த்து நன்கு வேக வைக்க வேண்டும். காய்களானது நன்கு வெந்ததும் அதில் உப்பு மற்றும் அரைத்து வைத்துள்ள மசாலாவை சேர்த்து சிறிது நேரம் கொதிக்க விட வேண்டும்.

  பின் அதில் புளிக் கரைசலை ஊற்றி, நன்கு கொதிக்க விட வேண்டும். புளிக் கரைசல் நன்கு கொதித்ததும், அதில் கருவாட்டை சேர்த்து 5 நிமிடம் கொதிக்க விட்டு இறக்கினால், சுவையான கருவாட்டு குழம்பு ரெடி.

இதனுடன் சாப்பிட உகந்த உணவுகள் : இதை சாதத்தோடு சேர்த்து சாப்பிடலாம்.😋

Share:

Read More

வஞ்சிர மீன் குழம்பு | Seer Fish Curry

வஞ்சிர மீன் குழம்பு

தேவையான பொருட்கள்:

வஞ்சிர மீன்1 கிலோ

காய்ந்த மிளகாய் 5

தக்காளி3

பூண்டு10 பல்

சின்ன வெங்காயம்20

கறிவேப்பிலை1 கொத்து

சீரகம்1 டீஸ்பூன்

எண்ணெய்தேவைக்கேற்ப

வெந்தயம்1 டீஸ்பூன்

மஞ்சள் தூள்1 டீஸ்பூன்

சாம்பார் பொடி2 டேபிள் ஸ்பூன்

புளிநெல்லிக்காய் அளவு

சோம்பு1 டீஸ்பூன்

உப்புதேவைக்கேற்ப

செய்முறை :

  வஞ்சிர மீனை தண்ணீரில் உப்பு சேர்த்து நன்றாக கழுவி கொள்ளவும். கழுவிய பின்பு சிறிய துண்டுகளாக நறுக்கி வைத்து கொள்ளவும்.

  சோம்பு, காய்ந்த மிளகாய், பூண்டு இவற்றில் சிறிது உப்பு சேர்த்து மிக்ஸியில் போட்டு விழுதாக அரைத்து கொள்ளவும். வெங்காயம் மற்றும் தக்காளியையும் நறுக்கி வைத்து கொள்ளவும்.

  புளியை சிறிது நேரம் ஊற வைக்கவும். ஊறிய பின் நன்றாக கரைத்து வடிகட்டி கொள்ளவும். வடித்த புளி தண்ணீருடன் அரைத்த விழுதையும் சேர்த்து கொள்ளவும். வாணலியில் எண்ணெய் ஊற்றி அதில் வெங்காயம், கறிவேப்பிலை, சோம்பு, சீரகம் மற்றும் வெந்தயம் போட்டு நன்றாக வதக்க வேண்டும். 

  பின்பு தக்காளி, சாம்பார் பொடி, மஞ்சள் தூள் மற்றும் அரைத்த விழுதை சேர்த்து வதக்கவும். தேவையான அளவு உப்பை சேர்த்து கொள்ளவும். பின்னர் புளிக் கரைசலை ஊற்றி கெட்டியாகும் வரை கொதிக்க வைக்கவும். பின் மீன் துண்டுகளைப் போட்டு இரண்டு நிமிடம் கொதிக்க விட்டு இறக்கவும்.

  இப்போது மணமணக்கும் வஞ்சிர மீன் குழம்பு ரெடி...

இதனுடன் சாப்பிட உகந்த உணவுகள் : இதை சாதத்துடன் வைத்து சாப்பிடலாம்.😋

Share:

Read More

மட்டன் சுக்கா | Mutton Chukka

மட்டன் சுக்கா

தேவையான பொருட்கள் :

மட்டன் கால் கிலோ 

சீரகம் 1 டீஸ்பூன் 

மிளகாய்த் தூள் 1 டேபிள் ஸ்பூன் 

மஞ்சள்தூள் கால் டீஸ்பூன் 

இஞ்சி பூண்டு பேஸ்ட் அரை டீஸ்பூன் 

பட்டை, கிராம்பு, ஏலக்காய் தூள் சிட்டிகை 

உப்பு தேவைக்கேற்ப 

மிளகு 2 

சீரகத்தூள் 3 டீஸ்பூன் 

எண்ணெய் தேவைக்கேற்ப

செய்முறை :

 மிளகு சீரகத்தூள் தவிர்த்து அனைத்தையும் குக்கரில் கால் டம்ளர் தண்ணீர் ஊற்றி ஒரு விசில் விட்டு சிம்மில் 10 நிமிடம் வைத்து எடுக்கவும்.

 பின் கறி வெந்ததும் மிளகு சீரகத்தூள் சேர்த்து கிளறிவிட்டு இறக்கவும்.

 இதில் வரும் எண்ணெய் விட்டு சாதம் சாப்பிட்டால் அருமையாக இருக்கும் கறியில் தண்ணீர் இருந்தால் கொஞ்சம் வற்றவிட்டு பின் மிளகு சீரகத்தூள் சேர்க்கவேண்டும்.

Share:

Read More